Yãdé Yayupirú Yamunhã Kuá Mukameẽsawa Tapajowara Kitiwara Akayú 2016 suí, Táwa Alter do Chão Upé upitawaá Borari Rẽdawa upé, Santarém, Pará. Aikué kuá araitá rupi siía murasíitá, tĩbiúitá asuí kuá yané kitiwara, kuá MUTAK uxai yãdé 13 mirasáitá Tapajós tumasawa suí yayuwasemu asuí yayumuatiri, yãdé Apiaka, Arara Vermelha, Arapiun, Borari, Munduruku Cara-Preta, Kumaruara, Munduruku, Maytapú, Jaraqui, Tapuia, Tapajó, Tupaiú e Tupinambá 

Kuáitá mirasáitá iwí raíra, síya akayúitá yapurará yãsé uyuka yané rẽdawa, yãné kitiwara, yané tekúitá, asuí Estadu ti urikú pulítika yãdarã, yawéresara yãdé yayumuatire yamunhã arã kuá MUTAK, asuí yamunhã mayé yané kuxiímawaraitá umunhã yawé, umukameẽ arã yané kuxiímasawa, umukaturu arã yané mãduarisawa yané kuausawa, asuí umukirĩbawa maã yané kuxiímawaraitá mbeú yãdarã, yãdé mirasaitá amasũnia suí.

Muiri mirasáita Tapajós tumasawa suí, urure irũ ta  kitiwara, ta surisawa asuí ta kirĩbasawa, Kuá MUTAK uyúri umunhã arã kuá 13 mirasaitá uyumuatiri, asuí yãdé yaputai yayumusãi né irũ yãné kitiwara.